شر البلية مايضحك !!!

لاعب مصرى بعد مباراة لمصر فى نهائيات كأس أفريقيا همس فى أذن كبير الشعب وبيقوله معلهش يا ريس على ضربة الجزاء التى أضعتها
قال له مش مشكله يابنى أنا مضيع البلد كلها ومحدش قال حاجة
-----------------------------------------------------
رئيس جمهورية عايز يزود شعبيته فقال لرئيس الوزراء ارفع الأسعار فالناس تتضايق يقوم هو ينزلها
فعلا رئيس الوزراء زود الأسعار، بس الناس ما اتكلمتش، عادي خالص
الريس استغرب قوي، وقاله: طب خلي الضرايب على المرتبات خمسين للمية
زود رئيس الوزراء الضرايب خمسين فى المية، الناس هزت دماغها وسكتت
الريس اتجنن وقال لرئيس الوزرا بص بقى ، طلع أي قرار غشيم من عندك يخلي البلد تولع، رئيس الوزرا عمل ضريبة اللي يعدي كوبري يدفع عشرة جنيه
الناس نفخت و ضربت كف بكف ودفعوا
فقام رئيس الوزرا خلى اللي يعدي يدفع عشرة جنيه وهو طالع، وعشرة جنيه وهو نازل من الناحية التانية
الناس قالت اللهم طولك يا روح وأمرنا لله و دفعوا
رئيس الوزرا كبرت فى دماغه، وأمر إن اللي يعدي بعد ما يدفع عشرة جنيه و هو خارج من الكوبري ياخد على قفاه
و نزل الريس بنفسه متنكر يتابع الموقف، الناس تدفع وهية طالعة الكوبري عشرة جنيه، و عشرة جنيه و هية نازلة و تاخد على قفاها وتمشي
شوية و لقى واحد بيزعق و متضايق، مال على أدنه قال له "مالك؟"
قال له : "حاجة تقرف! أنا متعطل هنا بقالي خمس ساعات..ما ينفعش كدة ..لازم يزودوا الناس اللي بتدينا على قفانا
------------------------------------------------------
تلاته خرجوا فى رحلة سفاري
واحد مصري والتاني صومالي والتالت أمريكاني
دخلوا كهف وناموا. استيقظوا بعد 300 سنة!
كل واحد فيهم قام رجع بلده
الصومالي شغل الراديو سمع: (الصومال لن تتنازل أبدا عن حقها الشرعي والتاريخي في ولاية نيوجيرسي)
الأمريكي شغل الراديو سمع: (سيدافع الجيش الأمريكي عن البلاد لآخر جندي!)
المصري شغل الراديو سمع: (إخترناه..وبايعناه.. .وعشان كده احنا اخترنااااااااااااااا ااااه ) !!!!!!
---------------------------------------------------
-واحد لقي مصباح علاء الدين ودعكه
فطلع الجني وقال له : شبيك لبيك تطلب ايه ؟ تتمنى ايه ؟
قال له : تطلع أمريكا من العراق
الجني: بس أنا مالى علاقة بالسياسة
اطلب شيئا أخر
قال: طيب انا خريج جامعة من 1989 وعايز أشتغل
الجني : أطلع أمريكا من العراق أحسن
تحب أطلعها من العراق امتى؟!
-----------------------------------------------------
بوش تعجب من العراقيين كيف تنتقل الأخبار عندهم بأسرع من البرق

فسأل أحد جنوده

فقال له : إن العراقيين عندهم شفره إسمها " شاكو ماكو " عن طريقها يقدرون يتناقلون الأخبار بسرعة عجيبة

فقرر بوش أن يزور العراق ويتنكر ولبس جلابية وعقال وعباية وراح وقف عند محطة توزيع الغاز وسأل احد العراقيين

وقال له : شاكو ماكو ؟

رد العراقي وقال :

والله ما ادري بس يقولون بوش في العراق !

------------------------------------------------------

رئيس جمهورية جمع شيخ الآزهر والبابا شنودة
وقال لهم : أنا جمعتكم النهاردةعلشان أقولكم ان ابنى هيبقى رئيس الدولة سنة2010
قام البابا شنوده وقال اللهم صلى ع النبى !!!!!!!!!
شيخ الآزهر قال للبابا انت كده أسلمت ياشنوده ؟ !
البابا شنودة قال له ماهى حاجه تخلى الواحد يطلع عن دينه
------------------------------------------
عسكرى مصرى بيسأل عسكرى اسرائيلى بتقبض كام فى الشهر ؟!
قال له :ألف دولار بدل سكن وألف دولار بدل موصلات وألف دولار بدل ترفية وألف دولار مكافأت
العسكرى الاسرائيلى سأل العسكرى المصرى بتقبض كام ؟
قال له : سبعين جنيه !!!!!
قال له : بدل ايه ؟
قال له : بدل ما اشحت !
-----------------------------------------------------
جندي عربي عاد من جبهة القتال وهو يرفع اصبعين عاليا /علامة النصر / فسـألوه ـ انتصرنا .. فقال ـ لا بقينا أثنين !
----------------------------------------------------
واحد اتحشر في زحمة المرور فلقى واحد بيخبطّله على شباك السيارة
فتح الشباك و سأله: عايز ايه ؟
قاله : الرئيس خطفوه و الفدية 5 مليون دولار
و لولم تدفع الفدية للخاطفين لسكبوا عليه البنزين و ولعوا فيه
واحنا بنجمع تبرعات .. تحب تشارك ؟ !
الرجل سأل: و في المتوسط الناس بتتبرع بكام ؟
الرجل الثاني : من 5 الى 10 لتر بنزين
------------------------------------------------------
ابن رئيس احدى الدول العربية اشترك في من سيربح المليون
وكان فاضل سؤال وياخذ المليون
السؤال كان بيقول: مين أكبر حرامى فى الدولة ؟ !
فطلب الاتصال بصديق .. واتصل بوالده
فقالة : هتخسر أبوك علشان مليون يا ابني !!!!!!!!!!!
-----------------------------------------------------
كان جورج بوش عازم توني بلير على الغداء و بعد ما طفحوا (سم هاري) خرجوا للصحافيين علشان يعملوا مؤتمرا صحفيا

سألهم الصحفيون : ماذا تم بينكما في الاجتماع ؟
قال الرئيس بوش : قررنا ان نقتل 20 مليون مسلما و طبيب أسنان واحد

دهش الصحفيون وتعجبوا ونظربعضهم الى بعض
وأصبح الكل متلهفا لطرح السؤال التالى

سأل الصحفييون : لماذا طبيب أسنان واحد ؟؟!!!!!!!!!!!!!!

ضحك بوش اللعين و تطلع على توني بلير و همس في أذنه

مش قلت لك إنه ما حد هايهتم بأمر ال20 مليون مسلم !!!!!!!!!!!
----------------------------------------------------------------------------------------------------------------------------------------

رئيس جمهورية سأل رئيس وزرائه : قولى أنا احسن ولا جمال عبد الناصر ؟
رد ريس الوزراء : جمال مين ؟
دا كان بيخاف من السوفييت ------ انت لا
سأل الرئيس : أنا الاحسن ولا السادات ؟
رد رئيس الوزراء : سادات مين ؟
السادات كان بيخاف من أمريكا --------------- انت لا
سأل الرئيس : طب مين الآحسن ؟ أنا ولا عمر بن الخطاب ؟!
رد رئيس الوزراء : عمر مين ؟!
عمر كان بيخاف من ربنا ------------انت لا
---------------------------------------------------------------------------------
أه يا أمة الاسلام ------- من أين لنا بأحد العمرين حاكما ----- القلب قبل العين يقطر دما

تشرفت بمرورك سمو الآميرة
تقبل تقديرى واحترامى

الشعب الوحيد فى العالم على مر العصور الذى لايستطيع أحد مهما كان جبروته من المخلوقات أن يكمم فمه حتى لو سلخوه حيا ولهذا يتعامل معهم من يفهمهم فشعار الحاكم تكلم ماشئت ولاتتحرك حركة
هل فهمت شيئا أستاذنا الفاضل رجاف؟ !
مروركم أسعدنى
دمتم سعداء والبسمة تملآ قلوبكم

من أجل أن أرى الابتسامة فى قلب مليكتنا هذه هدية :
طالب مسطول فى محاضرة بيكتب ورا المدرس لكن كل ما المدرس يمسح السبوره صاحبنا يقطع الورقة
--------------------------------------------------------
لغز محشش
له عيون ولا يشوف , له رجلين ولا يمشي , له جنحان ولا يطير ؟
عصفور ميت !
--------------------------------------------------------
فئران بتحشش ، الأول قال أنا السم ما يأثر فيا باستعمله زى السكر أحلى بيه الشاى
الثانى قال : وأنا أدخل المصيدة أكل الجبنة وألعب رياضة وأخرج
الثالث قال : أسيبكم من هنا وأقوم أضرب القطط بالقلم كل يوم وأرجع
------------------------------------------------------------
نفس الجماعة المساطيل قاعدين فى غرفة لها بابين طلبوا كبريت واحد راح يجيب دخل من الباب التانى سألهم معاكم كبريت ؟
قالوا له انتظر بعتنا واحد يجيب وزمانه راجع
---------------------------------------------------------
مسطول قاعد مع أصحابه قال لهم مش أنا طلع لى أسد امبارح
قالوا له وعملت ايه
قال لهم رميته بكوباية مية فى ايدى
رد واحد تانى قال لهم صح
أنا قابلنى نفس الأسد باضربه بالقلم لقيت وشه مبلول
-----------------------------------------------------
مسطول قاعد يتفرج على ماتش لريال مدريد سمع المعلق يقول فاول لصالح رونالدو قال : ياااااااااااااه أول مرة اعرف ان اسمه صالح
------------------------------------------
مسطول بيصلى جنب واحد أسمر
الامام قال استووا ، رد قال له كلنا استوينا بس فيه واحد اتحرق
---------------------------------------------------
مسطول بيقولوا له تصور فى الصين عندهم مولود كل دقيقة ، قال لهم صح هوه ده التقدم , مش احنا كل 9 شهور
-------------------------------------------------
مسطول اتصل بشركة طيران يسألهم كم تستغرق الرحلة من القاهرة لجدة ؟
رد الموظف لحظة واحدة
----------------------------------------------------
بيسألوا مسطول ايه الفرق بين تجارة عين شمس وتجارة الحشيش
قال لهم : تجارة عين شمس 4 سنين انما تجارة الحشيش 25 سنة
-------------------------------------------------------
اتنين مساطيل ركبوا اتوبيس بدورين
اللي فوق سأل اللي تحت
انتوا ماشيين بسرعة كام؟
قاله 80 و انتوا؟
قاله لا إحنا السواق لسة ماجاش.
-----------------------------------------------------
عريس مسطول على الآخر في يوم فرحه
مشى كل المعازيم ولما دخل البيت لقى العروسة قاعدة
قال والله أنا كنت عارف في الهيصة دي هاينسوا حد!
-------------------------------------------------
مسطول قابل واحد صاحبه متغاظ من أمريكا
المسطول حب يهدي صاحبه
قاله شوف أمريكا من غضب ربنا عليها خلاها هناك فى آخر الدنيا
لكن مصر يادوبك ساعتين بالبيجو
-----------------------------------------------------
مرة اتنين مساطيل قاعدين بيحششوا
واحد منهم لقى جنازة فى الشارع
قال للتانى هو مين اللى مات
قاله عمك أحمد قاله الله يرحمه
فى اليوم التانى أهل الميت عملو صيوان للناس علشان يعزوهم
قاله هو مين اللى مات
قاله يابنى أنا قلت لك عمك أحمد قاله الله يرحمه
فى اليوم التالت شاف نفس الصيوان قاله هو مين اللى مات
رد عليه التانى قاله أنا كل يوم أقولك ده عمك أحمد
رد عليه قاله هو مال عمك أحمد بقاله تلات أيام الدنيا ملطشة معاه كدة ليه ؟!
------------------------------------------------------
تهنئة محشش
بمناسبة عيد الآم المبارك
أهنئكم برمضان جعله الله عليكم زواجا سعيدا
وكريسماس خير
وكل عام وأنتم بخير
بمناسبة السنة الجاية
مع تحيات جمعية مرضى الزهايمر
---------------------------------------------
اتنين محششين بيتفرجو على ماتش
المذيع بيقول دربكة فى الدفاع
دربكة فى خط الوسط
دربكة فى الهجوم
أوباااااااااااااااااااا جوه الجول
المحشش قال لزميله : الظاهر ان دربكة ده واد لعيب أوى وحريف هداف كمان
---------------------------------------------------
واحد مسطول ركب تاكسي
السائق قال له
ممكن تشوفلي الاشاره اليمين شغاله ولا لا
طلع المسطول رأسه من الشباك
قال للسواق شغاله مش شغاله، شغاله مش شغاله، شغاله مش شغاله !
---------------------------------------------------
مرة واحد مسطول ماشي قدام مزرعة
لقى مكتوب عليها من بره (مزرعة عجول)
دخل للبواب وقاله : يا عم انت بتزرعوا العجول ازااااي ؟ !
البواب شافه مسطول قال أراضيه بكلمة علشان يمشي
قاله : احنا بنرمي السكر على الآرض وتاني يوم بتطلع العجول
روح المسطول البيت ورمى سكر على الآرض
تاني يوم لقى النمل كتييييييير على الآرض
قال : يا حلاوة هى دى العجول وهي صغيرة !
---------------------------------------------------------------
لغز محشش
قطار يمشي بسرعة 60 كلم في الساعة
فكم عصفور في الشجرة اذا كان الببسي ب75 قرش؟
------------------------------------------------------------
واحد جاب سيارة فور باى فور جديدة
وركنها تحت البيت
وكل يوم بالليل يعدى من تحت البيت واحد مسطول
يلاقى مكتوب ع العربيه 4x4
يروح مطلع المطواة و كاتب = 16
ينزل الراجل صاحب السيارة الصبح يتضايق ويوديها الميكانيكى
يروح يصلح الصاج
وكم مرة تتكرر الحكاية دى
الميكانيكى اقترح على صاحب السيارة
انه يكتب هو = 16
بدل ما الراجل المسطول يكحت الصاج
فرح الراجل وعمل كده
قام الراجل المسطول رجع بالليل
لقى مكتوب ع العربيه 4×4 = 16
راح جاب المطواة وعمل علامة صح
-----------------------------------------------
مرة اتنين مساطيل قاعدين ومعاهم مراية
واحد مسك المراية وبص فيها
وقال الشكل دة مش غريب عليا
راح التانى مسكها وبص فيها
وقاله إيه يا عم انت مسطول ده أنا